တူညီမှု တစ်ခုတည်းကနေပဲ လွတ်လပ်စွာကွဲလွဲမယ်

ကြိုက်နှစ်သက်တာနဲ့ ရူးသွပ်တာမတူသလို ရူးသွပ်တာနဲ့အစွန်းရောက်တာ မတူပါဘူး ။
ဥပမာ သီချင်းတစ်ပုဒ်ကိုနားထောင်တဲ့အခါ သီချင်းလေးကကောင်း စာသားတွေကလည်း ကိုယ့်ခံစားချက်နဲ့ကိုက်ညီတယ် ဒါဆိုရင်ကြိုက်လို့ ။ ရူးသွပ်မှုဆိုတဲ့အခါမှာတော့ သီချင်းကိုလည်းကြိုက်တယ် အဆိုတော်ကိုလည်း ကြိုက်တယ် ဒီအဆိုတော် ထုတ်တဲ့ခွေမှန်သမျှ အားပေးမယ် နောက်တဆင့်အနေနဲ့ ကိုယ်ကပါ ဒီဂီတလိုမျိုးကိုတောင် ဖန်တီးချင်လာတဲ့ အထိ ဖြစ်လာတာမျိုး ။ အစွန်းရောက်တယ်ဆိုတဲ့အခါမျိုးမှာတော့
ဂီတရဲ့ အနှစ်သာရထက် ကိုယ့်စိတ်ခံစားမှုကိုဦးစားပေးလွန်းပြီး ကျန်တဲ့အရာတွေကို မကောင်းမြင်လာတာမျိုးပါ ။

သဘာဝတရားအရ လူတွေဟာ တစ်ယောက်နဲ့ တစ်ယောက် အကြိုက်ချင်းမတူညီနိုင်ပါဘူး ။ တစ်သွေး တစ်သားထဲမွေးလာတဲ့ ညီကိုမောင်နှမ တွေတောင် တစ်ယောက်အကြိုက် တစ်ယောက်မတူနိုင်ပါဘူး ။ ဒါကြောင့် ပြင်ပသူစိမ်းတစ်ယောက်နဲ့ အကြိုက်ချင်းတူဖို့ဆိုတာ အင်မတန်ရှားတယ် ။ ခုနကပြောတဲ့ သီချင်းနဲ့ပတ်သက်တဲ့ ဂီတသဘောတရားမှာဆိုရင် ပို့လို့တောင်ဆိုးတယ် ။ ဒါကြောင့် ပညာရှင်တွေကလည်း အကြိုက်ချင်း မတူတဲ့အတွက် ဂီတကို အမျိုးမျိုးတီထွင် ဖန်တီးကြတယ် ။ ပြောင်းလဲလာတဲ့ ခေတ်ကာလ သဘောတရားနဲ့ အတွေးအခေါ်အရတွေပါ ခေတ်မီတဲ့ ဂီတတွေ ပေါ်ထွက်လာတယ် ။ Rock ၊ Hip Hop ၊ pop ၊ R&B ၊ Country စသဖြင့် ပြောလို့မကုန်တဲ့ဂီတပေါင်းများစွာ ရှိလာတယ် ။ မတူညီတဲ့ အရာနှစ်ခုကို ပေါင်းစပ်ပြီး ဖန်တီးတဲ့ ဂီတကိုမှ ကြိုက်နှစ်သက်တဲ့ သူတွေလည်းရှိပါသေးတယ် ။ ဆိုလိုချင်တာက အကြိုက်ချင်းမတူလို့ ဂီတတွေဘယ်လောက်ပဲကွဲနေပါစေ ဒီဂီတအားလုံးမှာ " အနုပညာ" လို့ခေါ်တဲ့ တူညီသောခေါင်းစဉ် တစ်ခုအောက်မှာပဲ ရှိနေတယ်ဆိုတာပါ ။

ဒီအကြောင်းအရာနဲ့ပတ်သက်လို့ ခုခေတ်လူငယ်တွေ ဂီတနဲ့ပတ်သက်လာမှုအပေါ် အနုပညာ ဖန်တီးထားမှု အနေနဲ့မကြည့်ပဲ ကိုယ်ကြိုက်တဲ့ ခံစားချက်ကို ကာကွယ်ရင်း ကျန်တဲ့လူတွေကို ကိုယ်ကြိုက်တဲ့ ဂီတတွေကိုပဲကြိုက်စေချင်ကြတယ် ။ အကယ်လို့ မကြိုက်ဘူးဆိုရင် ရန်သူတစ်ယောက်လို ပြုမှုချင်လာတယ် ။ ဂီတကို ဥပမာပေးပြီး ပြောရတယ် ဆိုတာကလည်း တခါတလေ ဖေ့စ်ဘွတ်ခ်မှာ အချို့ လူငယ်တွေ ကိုယ်မကြိုက်တဲ့ ဂီတနဲ့ပတ်သက်လာရင် ရန်လို ပြောဆိုမှုတွေကို မြင်တွေ့နေရလို့ပါ ။ ကိုယ့်ကြိုက်တဲ့ ဂီတကို ကာကွယ်ရင်း စိတ်ခံစားချက်နောက်ကိုလိုက် အစွန်းရောက်လို့ ရောက်လာမှန်းမသိ ဖြစ်လာတယ် ။ ကွဲပြားနေတဲ့ ဂီတအားလုံးကို " အနုပညာဖန်တီးမှု "
ခေါင်းစဉ်အောက်ကနေပဲ ကြည့်တတ်မယ်ဆိုရင် ခုနကကျွန်တော်ပြောတဲ့
အစွန်းရောက်မှုမျိုးတွေဖြစ်လာမှာမဟုတ်သလို ဂီတအားလုံးကို ကွဲပြားတဲ့
စိတ်ခံစားမှုမျိုး ခံစားတတ်လာပါလိမ့်မယ် ။
ဂီတမှမဟုတ် ဘယ်အရာမှ အစွန်းရောက်လို့မကောင်းတာ လူတိုင်းသိထားကြ ပါတယ် ။ ဒါကြောင့် ဘယ်အရာကိုပဲဖြစ်ဖြစ် ကြိုက်လို့ရတယ် ရူးသွပ်လို့ရတယ် ။ ဒါပေမယ့် ကိုယ့်စိတ်ခံစားချက်ကို ဦးစားပေးလွန်းပြီး အစွန်းရောက် မသွားကြပါနဲ့လို့ အကြံပြု ရေးသား လိုက်ရပါတယ် ။